Mbere y’umunsi wa kane wa shampiyona amakipe yombi arakurikirana ku rutonde, Bugesera ku mwanya wa 9 n’amanota ane
na Youvia ku mwanya wa 10 n’inota rimwe.
Youvia ifite akazi kenshi kuko igomba gutangira gushaka amanota atuma iva mu murongo utukura.
Umutoza Ishimwe Patrick yatangaje ko ari guhindura uburyo bw’imikinire kugira ngo ikipe ibashe kubona ibitego ndetse inabashe kurinda izamu.
Amakipe yombi yaherukaga guhura muri 1/4 mu gikombe cy’amahoro 2021/2022, imikino yombi yarangiye nta kipe irebye mu izamu ry’indi, Bugesera ikomeza muri 1/2 kuri penaliti 4-2.
Umukino uzahuza amakipe yombi hitezwe ko uzaba urimo ishyaka, ku ruhande rwa Youvia abakinnyi bose bazaba bahari, nta mvune cyangwa uburwayi budasanzwe. Ishimwe Pacifique na Umurerwa Rebecca bitezwe kuzigaragaza kuri uyu mukino.